విజయ్ ఆంటోనీ ‘కాశి’ 7 నిమిషాల సినిమా ఇదిగో

మూవీ ప్రమోషన్స్‌లో భిన్నమైన శైలి విజయ్ ఆంటోనీది. తన అప్ కమింగ్ చిత్రాలకు సంబంధించిన టీజర్, ట్రైలర్స్ మాత్రమే కాకుండా సినిమాలో కొంత భాగాన్ని ముందుగానే సోషల్ మీడియాలో రిలీజ్ చేసి సినిమాపై ఆసక్తిపెంచుతుంటారు. ఆయన గత చిత్రాల మాదిరిగానే త్వరలో రాబోతున్న ‘కాశి’ చిత్రానికి సంబంధించిన తొలి 7 నిమిషాలు సినిమాను మంగళవారం నాడు సోషల్ మీడియా ద్వారా విడుదల చేసిన సినిమాపై హైప్ క్రియేట్ చేశారు.

‘బిచ్చగాడు’ చిత్రంతో తెలుగులో పాపులర్ అయిన త్వ‌ర‌లో ‘కాశి’గా ప్రేక్ష‌కుల ముందుకు వస్తున్న సంగతి తెలిసిందే. సునయన, అంజలి హీరోయిన్లుగా.. కిరుతుగ ఉదయనిధి దర్శ‌కత్వంలో తెలుగు, తమిళ భాషల్లో తెరకెక్కిన ఈ మూవీ తొలి ఏడు నిమిషాల సినిమాను మంగళవారం నాడు విడుదల చేశారు. ఈ చిత్రాన్ని విజయ్ ఆంటోని భార్య ఫాటిమా విజయ్ ఆంటోని ఫిలిం కార్పోరేషన్ బ్యాన‌ర్‌పై నిర్మిస్తున్నారు. తాజాగా విడుదలైన ‘కాశి’ తొలి ఏడునిమిషాల సినిమాను బట్టి ఈ మూవీలో మరోసారి మ‌ద‌ర్ సెంటిమెంట్ చూపించబోతున్నాడు .

థ్రిల్లర్, యాక్షన్, సెంటిమెంట్ మేళవింపుతో నాలుగైదు గెటప్పుల్లో దర్శనం ఇచ్చి థ్రిల్ చేస్తున్నాడు విజయ్ ఆంటోనీ. ఒక పాముతో సినిమాను స్టార్ట్ చేయడం..‘అమ్మా.. నీకో విషయం చెప్పనా? నాకెప్పుడూ ఓ కల వస్తుందని చెప్తాను కదా.. ఓ చిన్నపిల్లాడిని ఎద్దు పొడిచినట్టు, పెద్ద పాము వచ్చినట్టు.. నా గత జీవితంతో ఏదో జరిగి ఉంటుందనిపిస్తుంది. నేను చిన్నగా ఉన్నప్పుడు ఏదో అయి ఉంటుందమ్మా. అదే కల లాగా వస్తుంది.. ఒక్కసారి ఇండియాకి వెళ్లి.. నా చిన్నప్పుడు ఏం అయిందో.. నన్ను కన్నవారు ఎందుకు వద్దనుకున్నారో.. తెలుసుకుని వస్తానమ్మా..’అని చెప్పడం ఇది ఈ మూవీ గత జన్మల నేపథ్యంలో అల్లిన కథగా తెలుస్తోంది. మొత్తానికి విజయ్ ఆంటోనీ వరుస ఫ్లాప్‌ల తరువాత ‘కాశి’ చిత్రంతో బిచ్చగాడు లాంటి బ్లాక్ బస్టర్ హిట్ కొడతాడేమో చూడాలి. అన్ని కార్యక్రమాలు పూర్తి చేసుకున్న ‘కాశి’ చిత్రం వేసవి కానుకగా మే 18న ప్రేక్షకుల ముందుకు రానుంది.

Leave a Reply

Your email address will not be published. Required fields are marked *